 |
|
|
|
Íslandsbærinn
Íslandsbærinn var reistur árið 1997 og stendur við Blómaskálann Vín. Bærinn var byggður í stíl hefðbundinna íslenskra höfuðbóla með fjórum þiljum og torfhleðslu hið ytra. Innandyra er veislusalur í borðstofustíl og gestastofa. Íslandsbærinn tekur 70 manns í sæti og er kjörinn vettvangur fyrir veislur og hvers konar mannfagnaði, fundi, ráðstefnur og námskeið. Forn umgjörð skapar einstaka stemmningu og í boði eru þjóðlegar veitingar, sé þess óskað. Í stuttu máli: Íslandsbærinn er engu líkur og býður upp á einstakt tækifæri til að tengjast menningu og sögu íslensku þjóðarinnar og njóta um leið allra þæginda nútímans.
|
